REGION

Herceg Novi: Gužva na GP Konfin

Avaz.ba

23.7.2017

Na prelazak granice između Hrvatske i Crne Gore na Konfinu, odnosno Kobili, čeka se sat i po na našoj i tri sata na hrvatskoj strani. Granični prijelaz Kobila otvoren je samo za putnički promet i uglavnom ga koriste mještani sa obje strane granice, taksisti i povremeno turistički autobusi – kada su gužve na grančnom prijelazu Debeli brijeg. Konfin, je udaljen od Herceg Novog desetak kilometara i oko četiri od poluostrva Prevlaka.

Špic je turističke sezone, a u dane vikenda na hiljade vozila pređe granicu u hercegnovskoj općini. Na graničnom prijelazu Debeli brijeg od petka pristižu kolone vozila . U subotu je preko Debelog brijega granicu sa Hrvatskom prešlo 4.000 vozila, skoro 18.000 putnika, dok je Sitnicu prešlo gotovo 15.000 putnika. Nekoliko hiljada putnika svakog dana pređe i preko granice na Kobili (Konfin).

S obzirom na bezbjednosne propise evropske Unije, na Hrvatskoj strani granice vrše se detaljni pregledi svih putnika, bez obzira na to da li su državljani Evropske unije, pa se prave kolone, koje potom pristižu na našu granicu. Iako kontrola po vozilu traje svega nekoliko minuta, gužve su neminovne, a na granici se čeka oko pola sata. Na Sitnici, gdje su uvjeti za rad teži, jer je granični prelaz malog kapaciteta, čeka se oko sat vremena. Najveće gužve su u jutarnjim satim i predveče. Ovih dana znatno je više vozila koja ulaze u Crnu Goru nego onih koji izlaze, ali će već od sredine avgusta taj trend biti obrnut.